عسلامة الناس الكل، عودْتكم ديما بالجديد في دار "نحن، NOUS" وبكتيبة وكتب خارجة عن المألوف... حاولت نوصّل كلمات وحروف الكتّاب للقارئ وحاولت نرجّع الشّباب للكتاب... 
حاولت بكل ما نقدر نشوف الفرحة والنّجاح والإفتخار في عينين كل كاتب وخاصّة منهم الشّباب... 
حاولت ننجح ونوصِّل ونوصل... نعلِّم ونتعلِّم... نِفرح ونفرّح... حاولت نكون الطريق الجديد إلي خارج عن المألوف ونأسّس عالم جديد ورؤية جديدة مبنيّة على رفوف من الأمل...
حاولت وحاولت ومازلت نحاول والمرة هذه جيتكم بفكرة جديدة وحلمة أخرى... فكرة "سوار المشري" مش فكرة زينب بن عثمان.
حاولت وحاولت ومازلت نحاول والمرة هذه جيتكم بفكرة جديدة وحلمة أخرى... فكرة "سوار المشري" مش فكرة زينب بن عثمان.كيما نشرنا عمناول كتاب "امرآيا" وهو فكرة "مي الأسود"، الكتاب إلي كتبوا فيه 54 مرأة تونسية ودارت الحكايات والخواطر إلي فيه الكل على المرأة، السنة هذه عندنا فكرة جديدة: 
كتاب بالدّارجة التّونسية، بلهجتنا المزيانة، بلهجتنا الغنيّة، بلهجتنا إلي تختلف من ولاية لولاية، كتاب فيه معجمنا، كلماتنا، تاريخنا، تزعبيننا، تقاليدنا ونغمتنا.أما المرّة هذه باش يكون كلّه خواطر و"صلام" مش قصص... كتاب خفيف وعميق باش نحطّوا فيه الممّو... نحب النّاس إلي باش تقراه نهار آخر يضيعوا بين لوحات حروفو، نحبهم يتنفسوا بعمق ويتبسموا ويحلموا بين كل سطر وسطر... نحبهم يكتشفوا مصطلحات جديدة وتكونِلهم رحلة زمنيّة ومكانيّة بنينة ما تتِّنساش... نحب الكِتاب يكون خريطة أدبية للبلاد التونسية.
ولذا أي عبد يحب يشارك في الكتاب هذا يبعثلي كتيبتو " fichier WORD" على عنوان البريد الإلكتروني:
nousedition@gmail.com
وآخر نهار لقبول الخواطر و "الصلام" هو 31 جانفي 2021 مع نصف الليل.
على فكرة: عندكم الحق في المشاركة بأكثر من خاطرة.
شروط المشاركة في الكتاب:1- "الخاطرة" أو "الصلام" يكون مكتوب بالدراجة التونسية (ماذابينا تكون بلهجة ولاية الكاتب وفاها بعض المصطلحات المميزة متاع المنطقة هذيكا مع "Note de bas de page" فيه تفسير بعض الكلمات المستعصية على البعض وخاصة كان الكلمة مش متداولة في الولايات الأخرى"
-2 لازم يذكر المشارك في آخر النص " الإسم واللقب والعمر والولاية" خاطر باش نحطوهم تحت مخطوط كل مشارك(ة) في الكتاب.
-3 ممنوع استعمال كلمات باللغة الفرنسية.
4- ممنوع استعمال كلام بذيء أو فيه إيحاءات جنسية.
-5 لازم إضافة "عنوان" لكل مخطوط.
-6 باش نرفض كل مخطوط ما فيهش "همزة" بأنواعها، وما فيهش "شكل" للكلمات التي تستوجب الشّكل ليصل المعنى صحيح وواضح للقارئ.
-7 باش نرفض كل نص يوصلني في شكل "FICHIER PDF" أو كلمات مسيبة في المايل. لازم يكون المخطوط في "FICHIER WORD". وإلي باش يشاركوا بأكثر من مخطوط يبعثوهم الكل فرد مرة وفي نفس "fichier".
8- عندكم الحريّة المطلقة في اختيار المواضيع.
- 9 نحب كتيبة عميقة وغنيّة ومزيانة. باش نختاروا أحسن النصوص... عدد صفحات الكتاب لن يتجاوز 200 صفحة. وتو نستناكم وإن شاء الله تكون تجربة مميزة.
ليست هناك تعليقات:
إرسال تعليق