13 يوليو, 2025
الرئيسية مسابقة القصة القصيرة فى جروب عنبر الكُتّاب بالتعاون مع دار نشر ساحة الأدب للطبع والنشر والترجمه

مسابقة القصة القصيرة فى جروب عنبر الكُتّاب بالتعاون مع دار نشر ساحة الأدب للطبع والنشر والترجمه

 


بسم الله الرحمن الرحيم

نزلاء العنبر الأعزاء مسابقتنا المره دى بغرض النشر فى كتاب مجمع رجاء نعقل شوية ونركز ونعرف المطلوب إيه 😌✋باختصار شديد مسابقتنا.. مجنونه 🤪🤪🤪

أومال إيه العنبر لا يتخلى عن مبادئه وسعداء جدا بدار نشر ساحة الأدب للطبع والنشر والترجمه لحماسهم الشديد للفكرة (خايف يكونوا متفقين مع مستشفى العباسية ونتمسك متلبسين بجنوننا) عموما بنشكرهم على ثقتهم وربنا يستر 🤷🏻‍♂️

موضوع المسابقة مفتوح ويرجع للكاتب اختياره ومش مرتبط بلون أدبى معين ممكن تكتب ساخر أو رعب أو رومانسى أو دراما أو فانتازيا أو خيال علمى أو.. أى كان اللى تختاره ومناسب لقلمك ولقصتك بشرط إن المشاركة تنتهى بالجنون 😁😁

البطل يتجنن بقى اللى بيقرا يشد فى شعره المهم عندنا الجنان فى ختام القصة أو أى نهاية تختارها تكون مختلفه غير تقليدية (مجنونه ولا لاسعه أى كان الوصف عايزين الكتاب مطرقع يا جماعة) أومال ايه ده احنا عنبر ولازم القصة تليق بإسمنا وتنتهى بالجنون 😎😎

عايزين نبهرهم وجنوننا لا يقتصر على البشر بس 🙄💪

جنن اللى يعجبك القصة قصتك وانت حر فيها ممكن تجنن كائنات الفضاء وسكان العوالم الموازيه مثلا لو حبيت بس ده كلام بينى وبينكم ليسمعونا 👽🕳️☠️👻😈👿

باينهم سمعوا ولا ايه 😳😱

 

ناخد بالنا من البنود اللى جاية دى بسرعة قبل ما أهرب 🏃🏃🏃

- العمل المشارك يكون قصة قصيرة

- عدد الكلمات لا يزيد عن ٢٠٠٠ كلمة

- السرد والحوار بالفصحى 

- ترسل الأعمال فى شكل ملف وورد (فونت ١٤) على الايميل التالى: 

anberelkotab@gmail.com

- يراعى كتابة اسم الكاتب وجنسيته ووجود رقم هاتف للتواصل.

- يراعى فى العمل أن يكون جديد لم يسبق نشره ورقيا أو على النت.

- يتم تلقى الأعمال المشاركة حتى يوم ٢٠ نوفمبر لهذا العام.

- سيتم نشر القصص الفائزة فى كتاب مجمع (نشر مجانى) يحمل عنوان القصة صاحبة أعلى تقييم.

- سيتم تقديم الأعمال إلى لجنة التحكيم لتقييمها بدون إسم صاحب العمل وسيتم ارسال التقييم العام لصاحب المشاركة عن طريق ايميل.

- سيكون الإصدار للكتاب المجمع والعرض الأول له بمعرض القاهرة الدولى للكتاب بإذن الله وسيتم التواصل مع الفائزين وإعلان النتيجة عن طريق الجروب والناشر.

- يستبعد من المسابقة كل عمل لا تنطبق عليه شروط المسابقة أو قواعد النشر بالجروب وكذلك يمنع المتعاقدين مع نفس دار النشر من المشاركة فى المسابقة لإتاحة الفرصة لغيرهم.


هذا وأدعوا الله بالتوفيق والنجاح للجميع وأخص بالشكر كل من وضع ثقته بأقلامنا ويخوض معنا المغامرة لإصدار كتاب أدبى متميز وغير تقليدى يكون خير تقديم لمواهبكم وإعلان عن وجودكم القوى والمؤثر ضمن فرسان الساحة الأدبية..

  عنبر الكُتّاب

 ساحة الأدب للطبع والنشر والترجمه

ليست هناك تعليقات:

إرسال تعليق

يتم التشغيل بواسطة Blogger.